СЕН МЕНИ ИЗДЕ... ТАП... - Сагынуу - Ыр жазуу - Кыргызча ырлар 2013


Главная » Статьи » Сагынуу

СЕН МЕНИ ИЗДЕ... ТАП...
Узак жолдо учу, түбү карарган,
Каргыш тийгир, кадам сайын жаңы адам.
Оо, мен сени тааный албайм, сен мени,
Изде, тааны, көп ичинен, жан аргам.

Тааны дагы сурай көрбө атымды,
Аяй көрбө аарчылбаган жашымды.
Деңиз жыттуу шамалды ырда сен мага,
Аралды ырда, жайын, кышын жашылдуу.

Сага чейин жашыл арал, деңизсиз,
Азы арзыды, көбү мени жеңишти.
Атым сурап, аарчыгандар көз жашым,
Кайра мага көз жаш болуп беришти.

Узак жолдо учу, түбү карарган,
Каргыш тийгир, кадам сайын жаңы адам.
Оо, мен сени тааный албайм, сен мени,
Изде, тааны, сен мени тап, жан аргам.



Категория: Сагынуу | Добавил: kubaaika88 (10.Март.2014) | Автор: Нарсулуу Гургубаева
Просмотров: 1116 | Комментарии: 2 | Рейтинг: 2.5/4
Всего комментариев: 1
1  
издесем издейинчи садагам,куттум менда калбады го жан аргам,эгер тапсан журогумдун ачкычын,мен сен учун жанымды да бере алам,

Имя *:
Email *:
Код *: