- Чүйдө чүйгүндөп тамак бербейт, айылда калып ата-энеңди бак кыргыз.
- Ботинкесинин боосун байлай албай калгычакты семиргендер жер үстүндө эмне болуп жатканын деле көрбөйт.
- Эх жакшылык, жакшылык, сен үчүн ичип атып соолудук да, какшыдык.
- Карааныңдан кагылайын мекеним, кайсы күнү, качан сага жетемин. (паспортсуз калган атуулуң).
- Эки жүздүү адамдын эки дүйнөдө тең бети кызарбайт.
- Жер тоголок экенине ишенбейм. Карыз алгандар кайрылбай койду.
- Беш бээ сатып, беш жыл окуп, беш жылдан бери жумушсуз жүргөндөр көп.
- Балдарын таштаган аял күкүктөр, чоңойгондо ээсин капкан саясатчы «күчүктөр» көбөйдү.
- Борбордо жарык өчкөндөн кийин, Бостерини айтпай эле кой.
- Кара курсактын тойгонуна каниет кылуу кайдыгерликтин жеткен чеги.
- Ата-энеңдин акчасын коротуп он жыл окуганча, өз эмгегиң менен өтүк тазала.
- Атасы рэкет, апасы ууру болсо, бала банкир болот.
- Кадыры чоң адамды казысынан тааны.
- Таң ата тачкелеринде отурган балдар, тоокканадагы тоокторду элестетет.
- Көлүбүз бар бирок балыгыбыз, үйүбүз бар бирок жарыгыбыз, суубуз бар бирок арыгыбыз жок.
- Акылы көп студенттин акчасы жок, акчасы көп студенттин акылы жок.
- Арамза адам ар күнү аш жесе да семирбейт.
- Эмне үчүн элибиз жарыбайт? Анткени, кубанычын, кайгысын, оорусун арак менен дарылайт.
- Адамга адам дос болгусу келбеген заманда, итке абдан ыраазы болот экенсиң.
- Жамбашы чоң аялга жандоочу көп.
- Аял менен эркек бири-бирисиз жашай албагандай эле, Ак үй менен оппозиция жалгыздап жашай албайт.
- Сөзүбүз жылма, жүзүбүз жылмакай, бирок жолдорубуз одуракай.
- Адамдан маймыл жаралбаганына кудайга шүгүр. Ушунча акылдуу маймылга ким түтмөк.
- Базарда жалаң кытай товарлары, сатуучулар кыргыз.
- Тергөөчү сураганды бербөөчү болбо. Ак болсоң да көпкө келбөөчү сапарга кетесиң.
- Тойгузуш үчүн курсакты, тогуз күндө пикетке чыгып турсакпы.
- Октябрь революциясынан кийин басмачылар азайса, март революциясынан соң жазмачылар азайды.
- Кийгеним кытай кийими, ичкеним кытай тамагы, анан мен байкушта ден соолуктан калабы?
- Мурдакы күн таанышкам, кечээ колун сурап, бүгүн үйлөндүм. Жакпай калды,
эртең ажырашам. (Биздин замандын кишилери) |
